स्त्री एक प्रेरणा
स्त्री एक प्रेरणा
ईश्वराचे रूप | आई तू आमची |
सावली मायेची |आम्हांवरी ||
कष्ट सोसुनिया | जग दाखवती |
सहनशक्तीची |मूर्ती जणू ||
येताच सदनी | कुळ ते उद्धारी |
मांगल्यच दारी| लक्ष्मीच तू ||
ज्ञानाचा सागर | तूच सरस्वती |
शिखर गाठती | जीवनात ||
रणरागिणी तू | बळ आम्हां देई |
स्फूर्ती अंगी येई | लढण्यास ||
जीवनात किती | करती संघर्ष |
मुखावर हर्ष | सदोदित ||
रूपं तुझे किती | निभावते छान|
उंचावते मान |स्त्रीशक्तीची ||
अबला म्हणून | अपमान करी |
त्यापरी मुर्खच | कोणी नाही ||
स्त्री एक प्रेरणा | अंगी हर गुण |
देवाचे ते दान | अनमोल ||