तुझ्या नजरेतील प्रेम
तुझ्या नजरेतील प्रेम
तुझ्या नजरेतील प्रेम
झरा बनून खळखळताना
मी पाहिलंय तुला माझ्याकडे
सखे चोरून बघताना
तू मान अथवा नको मानू
माझा विचार तू करतेस
जर प्रेम करतेस माझ्यावर
मग मागे का सरतेस
कधी करशील का विचार माझा
मागे अशी सरताना
मी पाहिलंय तुला माझ्याकडे
सखे चोरून बघताना
प्रत्येक क्षणी माझ्या मनात
फक्त एक तूच असतेस
नजरेला नजर मिळताच
अशी का स्मित हसतेस
काळीजंच चिरून जातेस
अशी स्मित तू हसताना
मी पाहिलंय तुला माझ्याकडे
सखे चोरून बघताना
तुझ्याशिवाय माझं कशात
मनंच आता लागत नाही
फरक इतकाच आहे की
मी हे तुला सांगत नाही
हृदयातील धडधड वाढतेय
भावना शब्दात बसताना
मी पाहिलंय तुला माझ्याकडे
सखे चोरून बघताना
दोन गोळे लोण्याचे
वितळून जसे एक व्हावे
दोन हृदय एक होऊन
एकाच ठोक्यांवर धडधडावे
कळलंच नाही मला आपलं
हृदय प्रेमात फसताना
मी पाहिलंय तुला माझ्याकडे
सखे चोरून बघताना
शब्दाने तू नको बोलू
नजर तुझी सांगून गेली
भावना तुझ्या अंतरीच्या
अलगद शब्दात मांडून गेली
शब्द गुंफून कविता झाली
ध्यानीमनी नसताना
मी पाहिलंय तुला माझ्याकडे
सखे चोरून बघताना
अचानक काही घडून जातं
मन कोरी पाटी असतं
हृदयाच्या ह्या घरामध्ये
अलगद कोणी येऊन वसतं
जाणीवही झाली नाही मला
हृदयात तू वसताना
मी पाहिलंय तुला माझ्याकडे
सखे चोरून बघताना
कधीतरी भावना तुझ्या
शब्दात तरी मांडून बघ
प्रेमाच्या या निर्मळ जगात
हृदय जरा सांडून बघ
प्रेमाचे हे जगही वाटे
अनोळखी तू नसताना
मी पाहिलंय तुला माझ्याकडे
सखे चोरून बघताना