तुझ्या भेटीची ओढ

तुझ्या भेटीची ओढ देवा

मनाला ह्या नित्य लागली

आहेस कुठे तु?या क्षणाला

अवस्था ही दयनीय झाली//१//

सुचेनासे झाले, आता काही

बेचैन झाले आहे मनपाखरू

आतातरी धाव देवा लवकर

कासावीस झाले, तुझे लेकरू//२//

का आटविलास दयेचा सागर

कशी रिती आशीर्वादाची घागर

आता गरज खरी चमत्काराची

आस लागली तुझ्या भेटीची //३//

मी पामर दयेचा भुकेला

ध्यान करतो, स्मरतो तुला

दया, क्षमा शांती तुजपाशी

तरी का? नाहीं तु आम्हापासी//४//