तुझी मैत्री

मनात असतं माझ्या ते

ओठावर येत नाही

पण तुझ्या नजरेतून

मात्र तेच सुटत नाही

मनातलं ऐकणारही

कुणी भेटत नाही

तुझ्यापासून लपवाव्यात

गोष्टी तुला पटत नाही

बोललं जरी कटूसत्य

इतरांना रुचत नाही

खोटं मात्र तुझ्यासमोर

स्वप्नातही सुचत नाही

मायेच्या ह्या धाग्यात

सगळेच गुंफत नाही

आयुष्याच्या या माळेत

तुझं स्थान बदलत नाही

दोस्ती च्या या वाटेवर

ऐरेगैरे भेटत नाही

मनातून आवाज देणारे

इतरत्र भोवती कुठेच नाही

तुझी मैत्री नित्य साठवावी

रिती कधीच होत नाही

मैत्रीशिवाय जग स्वप्नातही

मी पाहू शकत नाही