ती...

ती न बोलणारी पण बरंच काही सांगणारी

घराला शोभा आणणारी

बाहेरच्या खट्याळ वाऱ्याला घरात खेळवणारी

घराबाहेरील वातावरण टिपणारी

गप्पा गोष्टींची देवाणघेवाण करणारी

कधी प्रेमाची चाहूल लावणारी

अशी ती न बोलणारी

बसमध्ये तीला मिळवण्याचा असतो अट्टाहास

ती मिळाली की सुखकर होई प्रवास

काळानुसार ती ही बदली

लाकडी ते आता फॅन्सी ग्लासमध्ये ती सजली

ती काही न सांगता खुप काही शिकवणारी

अशी जिवाभावाची ती खिडकी