तहान

माझी माती माय

अंगभर भेगाळलेली

कवापासून तहानलेली

आस बगा ढगाळलेली

माझी माती माय

रडे धाय मोकलून

वाहे पानी डोळ्यातून

आला पळत मेघराज

माझी माती माय

चिंब चिंब भिजलेली

बीजे सारी अंकुरली

हिरवळीने नटललेली

म्हने माझी माती माय

एक गूज सांगते ऐक

शिवारात बांध शेततळे

शोषखड्डे चोहीकडे

आज्ञा पडत्या फळाची

जमले सारे गावकरी

तळ्यात साचलं पानी

मुरलं खोलवर खाली

आता भेगाळणं नाय

आता पोळणं नाय

आता दुष्काळ नाय

आता काळजीच नाय

आमच्या साऱ्यांच्याच हाती

आता ओलसर माती

आता ओलसर माती