सय

सख्या घट्ट मैत्रीतल्या

मैत्र जीवाभावाचेच

गोड गुपिते तयांची

साथ असे जोडीनेच

रम्य बालपण गेले

उष्ट्या चिंचाबोरांमधी

शैशवाची जाण आली

आस जडे मनामधी

स्वप्ने जोडगोळीनेच

आली नेत्रपटलात

भाव तारुण्यसुलभ

सांगू कसे गं शब्दांत

शेर दोघींचा देवाने

योजियला कोसांवरी

एक जाई नागपूरी

दुजी दूर कोल्हापूरी

चेह-याचे दोन डोळे

नित्यनेमे सान्निध्यात 

जरी दूरदूर गेले

सय येई अंतरात

आठवणी गुलकंदी

दोघींच्याही अंतरात

सय मनात फुलावी

बंध रेशमी मनात