स्वयंसिद्धा

नवीन तंत्रज्ञानाच्या जोरावर

आजची स्त्री स्वयंसिद्धा झाली

उत्तुंग भरारीने चढली यशोशिखरावर

आणि स्वबळावर ती नावारूपास आली १

सर्वच क्षेत्रात स्वयंप्रेरणेने अग्रेसर झालेली

वेळीच दुर्गा,चंडीकेचे रूप धारण करून

सुख नि दुःखात प्रामाणिक असलेली

खंबीरपणे शिक्षणाची कास धरून २

आजच्या नारीची किती गावी यशोगाथा

कर्तृत्ववान बनून धरला सावित्रीचा मार्ग

सक्षम,सबला,समर्थ,प्रगल्भ विचारांची सर्वथा

कर्तव्यदक्ष धडाडीने गाठला तिने स्वर्ग ३

जन्मदात्यांचा प्रेमाने सांभाळही करते

सासर नि माहेरची ती दुवाच जणू

आता तर सरणावर अग्नीही देते

तिला शूरवीर राणी लक्ष्मीबाईच म्हणू ४

रूप एकच पण अनेक तुझे अवतार

तूच दुर्गा,तूच कल्पना,तूच सिंधू

सारीच क्षेत्रे तू हद्दपार करणार

म्हणूनच तुझ्या उत्तुंग भरारीचे तोरण बांधू ५

आयटीपार्क,पायलट,डाॅक्टर, अंतरिक्ष

कुठेही तूच कामिनी,जुडी,सलमा, तूच दुर्गा

सर्वच क्षेत्रात आहेस तू अगदी दक्ष

सगळीकडे तूच चर्च,मंदीर,असो वा दर्गा ६

पदस्पर्शाने पावन झालेल्या नारींचा देश

तिथे अंधश्रद्धा,हुंडाबळी तू नाहीसे कर

दुर्गावतार घेऊन असिफाचा दूर कर क्लेश

काहीही करून तू शिक्षणाची कास धर ७

सिंधुताई,किरण बेदी,कल्पना चावला

देवी तू चंडीका,महिषासुरमर्दिनी 

सार्‍यांची तू नारी आहे आदर्श सबला

राक्षसांच्या संहारासाठी अवतरली तू दामिनी ८

विज्ञान युगातील तू सफल,यशस्वी नारी

जोरदार वाजव तू डंका नारीशक्तीचा

जीवन तुझे होऊ दे सर्व जगाला भारी

तुला आशीर्वाद आहे आदिशक्तींचा ९