"स्वप्ने व्हावी फुले"

मन आशेच्या गर्तेत आहे

मन वाऱ्याच्या, वेगात वाहे

मनास आहे आसमंत खुले

मनाची स्वप्ने व्हावी फुले//१//

आस एक, लागली खास

पूर्तता स्वप्नांची एक अट्टाहास

जोवर श्वास आहे हृदयात

स्वप्नांची आरास आहे आपल्यात//२//

छोटे असोत, किंवा मोठे

झिजवावे सदा स्वप्नांचे उंबरठे

नित्य स्वप्नांचे, प्रवेशद्वार खुले

पाहिलेली स्वप्ने व्हावी फुले //३//

आशेचे मन, स्वप्नांत रंगते

दिशा मिळते, जीवन फुलते

स्वप्नरंगाने मन चिंब न्हाले

आता स्वप्नांची, होईल फुले//४//