स्वातंत्र्यलढा
स्वातंत्र्यलढा
सोडविण्यास देशास इंग्रजांच्या गुलामगिरीतूनी
लढले सारे क्रांतिकारी एकजूट होऊनी
हाती घेतली स्वातंत्र्य चळवळ सोडूनी सारं घरदार
राहिले इंग्रजांशी लढत मानूनी एकमेकांनाच आपला परिवार
घेऊनी स्वातंत्र्याची मशाल
पेटविली इंग्रजी सत्ता विशाल
वंदे मातरम् अन् इनक्लाब जिंदाबादचा देत नारा
इंग्रजांशी लढण्यास एकत्र झाला देश सारा
भारतमातेस इंग्रजांच्या ताब्यातूनी करण्यास आजाद
लढले टिळक फडके सावरकर बिस्मिल अन् आझाद
भगतसिंग राजगुरू अन् सुखदेव हसत फाशीवर चढले
जीवाची न करता पर्वा सारे भारतमातेसाठी लढले
अखेर ब्रिटिश साम्राज्यावरील मावळला सूर्य
अथक प्रयत्नांनी झाले साऱ्यांचे स्वप्न पूर्ण
होऊनी यशस्वी स्वातंत्र्यलढा तो सुवर्ण क्षण आला
उगवला तो सोनेरी दिवस अन् भारत देश स्वतंत्र झाला