आई

आई म्हणजे प्रेमाचा अर्थ खरा

अन् मायेचा निर्मळ झरा

फुलासारखं असते आई आपल्या लेकरांना जपत

अन् रात्रंदिवस असते त्यांच्यासाठी खपत

चूकलं काही लेकरांच तर रागावते

अन् मायेनं डोक्यावरून हातही फिरवते

मानते आपला आनंद लेकरांच्या सुखात

अन् कायम असते सोबत त्यांच्या दुःखात

लेकरांसाठी देवाकडे मागते सारं काही

मात्र स्वतःसाठी काही मागतच नाही

आईच असते लेकरांवर करणारी निःस्वार्थ माया

अन् संकटात लेकरांच्या बनते त्यांची छाया

असते ती लेकरांचा पहिला गुरू

आई आहे देव अन् एक कल्पतरू