माय मराठी

आपुली मराठी आहे अमृताहूनी गोड

नाही जगात तिला कशाची तोड

स्वतःस भाग्यवान मानते मी

मज लाभली मातृभाषा ही

मराठी भाषा आहे महाराष्ट्राची शान

मज आहे मराठी असल्याचा अभिमान

सौंदर्यवान अन् सर्वगुणसंपन्न असणारी

असे ती संस्कार अन् परंपरा जपणारी

इतिहास अन् साहित्यांनी बहरलेली

आहे मराठी अलंकारांनी नटलेली

माझी मराठी भाषा जणू ज्ञानगंगा

तिच्या एवढी महती कोणाची सांगा

ऐसे माझे थोर पुण्य म्हणोनी

मज माय लाभली मराठी

मराठीचं वैभव कायम अबाधित राहिल

हृदयात साऱ्यांच्या मराठी संस्कृती वर्चस्व करेल