स्त्री शक्ती
स्त्री शक्ती
नारी तू नारायणी
मेहनती तू आदीकाळपासूनी
ऐकतो तुझी आम्ही गाथा
कौतुक तुझे वर्णवू किती मनी....
तुझ्या उदरात जन्मले छत्रपती
मांडीवर खेळले संत-महिष्मती
तु अनामिक, अतुलनीय स्त्री
थोर जाहले किर्तीवंत
उज्ज्वल अशीच तुझी यशकिर्ती.....
शतका मागुनी शतके
तु धैर्यानेच लढलीस
असंख्य नकारात्मक ज्वालांना
तुझ्या सुविचारांनी मात दिलीस......
नात्यांतील गुंफण तू
उजाड आयुष्यातील तेवता दीप तू
तुझ्या यशाच्या गाथा सातासमुद्रापार
त्यातल्या भविष्याचा जागर तू.......
रंजल्या गांजल्यांना
सावरणारी तु मदर तेरेसा
अशिक्षितांना शिक्षणाचे वलय
प्रदान करणारी तु सावित्री
अलौकिक तुझा महिमा
तुच दलितांची दात्री.......
आधुनिकतेचा झेंडा तुझा अटकेपार
उसळणाऱ्या असामाजिक लाटांना
बसला तुझ्याच कर्तृत्वाचा मार
पार केल्या तु असंख्य बंदिस्त भिंती
म्हणूनच की काय तुझी आज
स्त्री तू महान अशी आहे गं किर्ती.......