स्त्री मनाचा गुंता

माया ममता वात्सल्याच्या

हळव्या मनात कशी चिंता

भावनेच्या याभरात कसा

सुटेल स्त्री मनाचा गुंता

दुविधा मनी चलबिचलता

कशा व्यक्त होतील भावना

आतल्या आताच होती तिची

नेहमीच होते कुचंबना

कर्तव्यआणि प्रेमात आड

येतात हे बंधने प्रेमाचे

तरी वाटतात हवे हवे

नाजुक बंध गुंतागुंतीचे

रेशमाचे बंधन जपते

जिव्हाळ्याने प्रेमाने हळुवार

होतो गुंता जेव्हा भावनांचा

नाते ते जपते जिवापाड

मनामध्ये सतत विचार

का लादले नियम बंधने

स्त्री मन असे दयाळू

का बर सर्व सहन करावे