ससा

पांढरा पांढरा ससा

डोळे लाल लाल

बसला हिरव्या गवतात

टवकारून दोन्ही कान

सावध वेगवान असा

सगळ्यांनाच आवडतो लुसलुशीत ससा

बीळ करून जमिनीत राहतो कसा

पिंजलेला कापूस जसा

गर्व त्याला त्याच्या वेगाचा

पांढर्‍या शुभ्र दिसण्याचा

 भित्रा म्हणते जग त्याला

अति चंचल स्वभावाचा

कधी भेटतो हा कथेमध्ये

 कधी असतो कवितेमध्ये

लहान मुलांच्या स्वप्नामध्ये

श्रीमंतांच्या बागेमध्ये