शाळा गमती जमती

बाजाराची पिशवी दप्तर आमचे

काळी पाटी सर्वकाही ज्ञान शिकवी

धरतीवर बसून शिकायचे

जिल्हा परिषद नाव तिचे

गण्या नवीन चड्डी घालून शाळेत गेला

मिळवू लागला स्वतःला राजा सारखा

मास्तरांनी विचारता आनंदाचे कारण

गण्या आनंदाने चड्डीला हात लावत

वर्ग सारा हसता झाला

जुना सदरा नवीन चड्डी

असा काहीसा अवतार गणेश धरी

या सुट्टीत मजा झाली

गण्याची नवी चड्डी खेळतांना फाटली

गण्याची चांगलीच उडली घाबरगुंडी

अशी कशी हो फाटली गण्याची चड्डी

आज गण्या मोठा अधिकारी झाला

फाटक्या चड्डीमुळे आठवणीत राहिला

किती हो सांगायच्या शाळेच्या गमतीजमती

आज जवळ नसले शाळेचे सोबती

आठवण येता आजही पाणी येई डोळी

अशीच साधी सोपी सरळ होती आमची जीवनशैली

देवा काही द्यायचे असेल तर लहानपण पुन्हा दे

तीच आमची शाळा आणि मस्ती

आयुष्यभर टिकणारे शिक्षण आणि अनुभव

यांची घेतली शिदोरी

चालू केला जीवनाचा प्रवास आता

पाहूया आता पुढे येईल कशा वाटा