सराव झाला आहे

तुझ्या डोळ्यात पाहण्याचा सराव मला झाला आहे

तुझ्या मनात उतरण्याचा तोच माझा मार्ग आहे

किनाऱ्यावरती शांत मी बसून असतो कधीचा

लाटांना ऐकताना तुजशी गुंजन माझे जुळले आहे

तुझ्या मनात उतरण्याचा तोच माझा मार्ग आहे

ती जी एकटीच होडी तरंगताना दिसते

जोडीस तिच्या नाव दुसरी येऊन जेव्हा मिळते

प्रवाह पोहून जाताना तुला-मला मी पाहिले आहे

तुझ्या मनात उतरण्याचा माझा हाच मार्ग आहे

तुझ्या डोळ्यात पाहण्याचा सराव मला झाला आहे

तुझ्या मनात उतरण्याचा हाच माझा मार्ग आहे