प्रेम

मला तुझी आठवण येत नाही

तू डोळ्यासमोरून हलतच नाही

तू तर डोळ्यातही मावत नाही

तुला मनातच भरून घ्यावं लागतं

प्रेमाला आपल्या उपमा नाही

प्रेमाला कुठले शब्द नाही

प्रेमाला कृतीतच आणावं लागतं

जगण्यासाठी तुझ्यावर प्रेम करावंच लागतं

तुझ्या विचारांतच मन हे हरवतं

दूर तू असलीस तरी जवळ भासतेस

इतकी तू आता मला माझी वाटतेस

क्षणोक्षणी का अशी बरे छळतेस

अल्लड भावनांनी मन माझं दाटतं

तुझ्यासाठी तुझ्यासवे जर आहे जगायचं

तुला मला मग दुनियेशीे लढायचं

एकमेकांसाठी साऱ्या जगाला विसरायचं ?

आयुष्यात फक्त एकमेकांसाठी असायचं

या विचारांनी मनाला एकटं का वाटतं

तू आयुष्यात या मावत नाहीस

तुला फक्त मनातच ठेवावं लागतं

तुला फक्त मनातच ठेवावं लागतं