सोपा/कठीण

जीवनाचा पेपर असतो

काही जणांना सोपा

तर काहींना असतो

अवघड असे का?

हसतखेळत जीवन 

सुरळीत चालू असते

सुहास्य मुखावरील

त्यांच्या कधी न ढळते

काहींचे जीवन खडतर

वैतागती जीवनाला

प्रश्न सुटती ना सत्वर

का रे असे वाट्याला?

नीट पहाता दिसते

हास्यामागे दुःख असते

दडवूनी दुःख चेह-यामागे

सदैव मुख आनंदी असते

दुःख स्वतःचे मागे सारुनी

दुस-यांसाठी धावाधाव

निःस्वार्थीपणे काम करुनी

नसे कशाचीच ह्यांना हाव

रडतराऊंचे प्रश्न जीवनी

कधीच नच सुटणारे

नशिबाला दोष देणारे

प्रयत्न कधी न करणारे

सकारात्मक होऊ सारे

दुःख निराशा सोडून देऊ

संकटामधे धावून जाऊ

एकमेकां सहाय्य करु