संस्कृतीची जोपासना

सण आला प्रकाशाचा

स्वच्छतेचा, एकोप्याचा

जिव्हाळाचा, शृंगाराचा

आनंदाचा, उल्हासाचा ||१||

मानवाने, हृदयात 

क्षण जपावे प्रेमळ

एकमेका देवू हात

ठेवू जीवन निर्मळ ||२||

घरोघरी सुरू झाली

फराळाची रेलचेल

करू सहाय्य गरिबा

थांबवूया घालमेल ||३||

निसर्गाचे संवर्धन

करू प्रत्येकाने खास

प्रदूषण मुक्त सण

देई जगण्याची आस ||४||

नाते टिकवून खरे

संस्कृतीची जोपासना

करू मनोभावे सारे

एक प्रेमाची कामना ||५||