सन्मान कुणाचा

करू सन्मान त्या वीरांचा

करती सेवेला देशसीमेवर

जगावर कोसळलेल्या या

 आपत्तीला थोपवुन तोवर

स्वप्राणांची चिंता नसता

रोग्यांची ते काळजी घेती

संसर्गजन्य रोग सामोरी

औषधपाणी त्यांना देती

बॅंक, ड्रायव्हर,कचरावाले

पुरवी अत्यावश्यक सेवा

आहे त्यांनाही घरसंसार

तुम्हा देती सत्कार्याचा मेवा

भाज्या फळे किराणा दूध

मिळते रोज तुम्हां घरात

घरपोच आणती सिलींडर

नकोच तुमची बाहेर वरात

करा सन्मान सत्कार तुम्हीं

अशा थोर महान व्यक्तींचा

आठवण ठेवा संकटकाळी

 हात असू द्या सदा मदतीचा