संकल्प नववर्षाचा

गतवर्षीची संध्याकाळ

संकल्पाने झाली तयार

आशेचे पंख घेऊनी

पूर्णत्वाला होते सवार

चाळलेले गेल्यावर्षी

अनुभव अस्सल घेतले

वाईट अनुभवाचेे मात्र

निवडायचे ठरविले

सैल पीळ नात्यांचा

प्रेमाने आवळायचा

आपुलकीच्या धाग्यांनी

गोफ दुहेरी विणायचा

                          

दिवस-रात्रीच्या चक्राचे

प्रहर मोजत बसतो

हातातल्या क्षणाचे 

मोलच विसरून जातो

संग्रह या क्षणांचा

या साली करायचा

निसटण्याआधीच तो

ओंजळीत साठवायचा

भुतकाळाची पुंंजी

भविष्य घडवते

 वर्तमान नववर्षा

तुझे स्वागत करते