समुद्र

 हे अथांग सागरा

मौन सोडशील का रे जरा

तुझ्याशीच बोलायला आले मी किनाऱ्याला

अवखळच आहेस तू

वाळू सांगत होती मला

कितीतरी वेळा भिजवलेस तू तिला

जलचरांनासाठीचा तूच एक सहारा

किती खूश असतात ते

माहिती आहॆ का रे तुला

शिंपल्यातला मोती सुद्धा

भेटला मला परवा

सांगत होता सागरातला मीच

एक खजिना

इथेच राहतो मी म्हणाला

झुळझुळणारा वारा

गाणे माझे आवडते ह्या सागराला

सूर्य सुद्धा गेला आता अस्ताला

चांदणे म्हणाले आम्ही आहोत की सोबतीला

अजूनही होते मी तिथेच किनाऱ्याला

तुला पाहता पाहता गाणे माझे बनवायला..