स्मितहास्य

स्मितहास्य तुला देवाने दिधले

का मानवा लढतोस असा

गीत सृजन प्रेमाचे गाऊन

जगण्याचा घे मंत्र नवा

नको कधी छळू कुणाला

नको कधीही कपट करू

जाण एकदा ऐकून घे

इतरांनाही मित्र बनून

दुःख मानवा अनंत अगाध

दुःखाचे कारण तृष्णा

सांगे तुला हा बुध्द नित्य

स्मितचर्येने बघ कसा

दुःख दुर करी स्मितहास्य

जगास देई आनंद

विजय मिळविला दुःखावर

तर जगणे आपल्या हातात

हास्यात तुझ्या या दडले दुवे

प्रेम, शांती अन् करूणेचे

मानवाच्या कल्याणाचे

मानवाच्या समृद्धीचे