समानता

आहेत अनेक विषय

घातला गेला ज्यांना हात

तरीही नाही सुटले

नाही देऊ शकलो मात

प्रश्न आहे समाजापुढे

स्त्री पुरुष समानतेचा

प्रश्न आहे हा 

गहन भेदभावाचा

खांद्याला खांदा लावून

काम करते स्त्री

जिद्द नाही सोडत

थकली जरी ती

परीक्षांमध्ये आजकाल

मुलीच चमकतात 

नोकरीही हिमतीने

त्या मिळवतात

आज सगळ्या क्षेत्रात

आहेत महिला

आरक्षणाच्या कुबड्या नकोत

स्वातंत्र्य द्या त्यांना 

वरवर असते स्वातंत्र्य

गोडवे गातात फार 

खरतर तोंड दाबून 

असतो बुक्क्यांचा मार

महिला सबलीकरणाचे 

स्तोम माजवता 

स्त्री पुढे आली पाहिजे

यावर तर भाषणे गाजवतात

कृतीशून्य सारे

असे नाही चालणार 

स्वतःच्या आयुष्याची दोरी

स्वतः स्त्रीच सांभाळणार  

नाही फार दूर तो दिन

जेव्हा महिला सबलीकरण 

ही संज्ञाच 

जाईल पुसून 

कमी नका समजू

स्त्री आहे ही

स्वप्ने नव्या जगाची

ही पाही