श्रमाचे महत्त्व
श्रमाचे महत्त्व
1 min
357
एक गडी होता भारी
श्रीमंती वाहे त्याच्या घरी
काम काही ना तो करी
निवांत असे सदा स्वारी
माझा असेल तो हरी
देईल मला खाटल्यावरी
वेडे वाटी कष्टकरी
असे वागे अविचारी
भाग्य असे आजमावी
काढी रोज तो लॉटरी
बाता लाखाच्या तो करी
खाली झाली ती तिजोरी
करी आता पश्चाताप
जेव्हा झाला तो भिकारी
श्रमा नाही हो पर्याय
बात पटली ही खरी
गेला आपल्या शिवारी
मोती घामाचे तो पेरी
तिथं उगवलं सोनं
मिळे कष्टाची भाकरी
श्रम केल्या मिळे यश
त्याला जडला तो छंद
सारी सुवासिके फिकी
किमती घामाचा सुगंध
नको मोत्याचा तो हार
त्याने सोबत सोडली
सखी घामाची ती धार
ज्योत जीवनी पेटली