शक्तीतत्वाची लाली

रंगांचा उत्सव नवरात्रीत

नव्या रंगात देवी वावरते

सामान्य नारी रुपात

तेज तिचे लकाकते...

क्रांतीचा रंग लाल

क्रोध दिसे तांबड्यात

नायनाट करण्या वाईटाचा

रक्त उसळे नसानसात...

स्त्रीच्या सौभाग्याचे लेणे

शोभे टिळा कुंकवाचा

स्वरुप भासे विशाल

अनुभव आज्ञा चक्राचा...

कुंकूमार्चन अष्टमीला

सामर्थ्याचे वरदान

आदी शक्तीचे प्रतीक

लक्ष्मीमातेचा असे मान...

बळ मिळे धैर्याचे

गाजवी शौर्य रणात

शक्तीतत्वाची लाली

पसरे मनामनात...