शिवशाही

गेली होती रया

या राष्ट्राची

नव्हती मुभा 

श्वास घेण्याची 

नव्हता भाकर तुकडा 

नि अत्याचार होते रोजच 

परकीयांचे आक्रमण

दिसे त्यांचा माजच 

तुटलेली स्वप्ने 

नव्हती दिशा  

जीवनात भरलेली

फक्त निराशा

आला आशेचा किरण

जन्म झाला शिवनेरीवर

मोहोर उमटली साऱ्या

मराठी मनावर 

गाऊ लागले पक्षी

बागडू लागले प्राणी

सुकलेल्या मुखांतून मग

ऐकू येऊ लागली गाणी 

शिवबा आमुचा गरजला ऐसा

बिमोड केला अत्याचाराचा 

रयतेला स्वराज्य मिळालं 

घास लाभला सुखाचा 

आणलं रामराज्य

संपली सगळी सजा

धन्य झालो आम्ही 

मिळाला जाणता राजा