शिर्षक : जिवनाच्या वाटेवर

जीवनाच्या वाटेवर, चालताना

अनेक येतात अनुभव, जीवन जगताना

सुख शोधताना आयुष्य पुढे निघुन जाते

स्वप्ने उराशी, पण सत्य काही औरच असते//1//

जीवनाच्या वाटेवर, चालताना

सोसाव्या लागतात, मरण यातना

तेंव्हा उगवते, सुखाची पहाट

आणि संपतो दुःखांचा वळणवेडा घाट//2//

गरजांचा डोंगर संपत नाही

कळतं पण वळत नाही

उद्याच्या भविष्याची, असते चिंता

अनेक गोष्टींचा, करावा लागतो समझोता//3//

वाऱ्याच्या वेगाने, मन पळते

हे का ते म्हणत माणसाला छळते

कळत नाही, मनाची भाषा

माणसाला दिसते फक्त आशा//4//