शिक्षण तरंच नोकरी ?

असेल शिक्षण तर नोकरी मिळेल

असाच जर का समज असेल

मालक बनणे दूरापास्त होईल

समाजात मात्र गुलामीच दिसेल

शिक्षणा शिवाय नाही काही अडत

काम करण्याची असेल जर धमक

कुठलेही काम आहे सहज शक्य

शिकायचे मनी जर ठरवले पक्कं

देवाने केली मानवाची निर्मिती

मानवाने केली स्वतःच प्रगती

शिक्षणा शिवाय व्यापार केला

संशोधनातूनच समाज घडविला

आधी हवी मेहनत आणि जिद्द

ऊरत नाही मग कुठलीच हद्द

अशक्य असे काही नाही ऊरत

मन ऊगाच कधी नाही झूरत

ठरवू ते करण्याची लागते मग सवय

जीवनात आपल्या आणखी काय हवय

शिक्षण तरच नोकरी नको अट्टाहास

व्यवसाय करण्याचा असावा हव्यास