शीर्षक नव्या युगाच्या उंबरठ्या
शीर्षक नव्या युगाच्या उंबरठ्या
1 min
11.8K
नव्या युगाच्या उंबरठ्यावर
नवी आव्हाने मनुजाला
प्रगती , विकास साधूनही
अचानक खीळ कशी त्याला ?
नवनवीन शोध मानव लावी
अंतराळातही झेप घेई
तरीही छोट्या विषाणूनी
का बरे तो हतबल होई ?
मानव श्रेष्ठ की निसर्ग ?
गर्व जाहला मनुजाला
नव्या युगाच्या उंबरठ्यावर
निसर्गाने धडा शिकविला
कितीही गमजा केल्या तरीही
त्सुनामी , वादळे , पूर येता
निसर्गापुढे मिळे ना त्यासी
स्वसंरक्षणार्थ उपाययोजना
नव्या युगाच्या उंबरठ्यावर
धडा शिकावा मानवाने
निसर्गाशी मिळतेजुळते
नेहमीच घ्यावे विनयाने