शीर्षक माझी मातृभूमी

महाराष्ट्र मातृभूमी

भूमी ही छत्रपतींची

ख्यातनाम पुण्यभूमी

खाण असे संस्कृतीची   (1)

ज्ञानेश्वर तुकाराम

संत पावन भूमीचे

ज्ञानेश्वरी गाथा ग्रंथ

जगतात ख्यात साचे    (2)

नाट्य , संगीत कलांचे

कलावंत गुणवंत

अभिनेते अभिनेत्री

कीर्ती जगदविख्यात     (3)

वारी भक्तीपरंपरा

मनी भोळा भक्तीभाव

विठुरायासाठी भक्त

प्रतिवर्षी घेती धाव     (4)

साहित्याची थोर परंपरा

पुल, अत्रे, वपु काळे

ढंग विनोदाचा न्यारा

श्रोता मनोमन डुले     (5)

जन्म लाभे पुनीतशा

महाराष्ट्र भूमीमधे

पुर्नजन्म लाभो इथे

आस ही अंतरामधे     (6)