शेतकरी राजा

कृषिप्रधान देशाचा 

शेतकरी राजा मी 

नाही माझ्या दारी 

कशाचीच कमी

प्रधान, वजीर सगळेच 

माझ्या दारी उभी

फक्त माझ्या दारी 

सेवकांची आहे कमी

व्यापारी दलाल येतात 

माझ्या नियमित घरी

दरोडा घालून नेहतात की 

मालमत्ता माझी सारी

तक्रार कुठे करणार 

चोरांची टोळी सारी

कायदे आहेत माझ्यासाठी 

कागदावरच भारी भारी

राजाचा मुकुट हाय

कायम माझ्या डोईवरी

नावा पुरता राजा हाय 

काम कराव लागतंय सेवकापरी