शेतकरी माय

पाहा पाहा ही चालली

मायी शेतकरी माय

फुफाट्यातून वाट काढे

तान्या लेकराची माय।

गाव-रानात माय

अनवानीच चालली

काट्या-कुट्याचीही

तिले आता सुध

ना राहिली।

जीवा-भावाचा गं धनी

शेतामंधी घामेजला

त्याच्या भुकेने व्याकुळ जनू

शिदोरीच झाली।

पोट खपाटीला गेले

पोटामंधी नाचे भूक

तान्या लेकराच्या तोंडी

माय लावी शुष्क स्तन।

हिच्या श्रमानेच होई

शेत-शिवार हिरवे

तळहातावर हिच्या

कृषि संस्कृती गीरवे।