शब्दमोत्यांची गुंफण
शब्दमोत्यांची गुंफण
अ ' अ ' अमृताते पैजा जिंके अशी
आ ' आ ' आई माय मराठी आमुची !!
इ ' इ ' इमारत उंच उंच दिसे
ई ' ई ' ईडलिंबू मोठा मोठा असे !!
उ ' उ ' उखळात आई कांडी दाणे
ऊ ' ऊ ' उसाचा रस गोड लागे !!
ए ' ए ' एकात्मता आम्हा शिकवी
ॲ ' ॲ ' ॲक्टींग बाळ छान करुन दाखवी
ऐ ' ऐ ' ऐश्वर्या सुरेल गाणी गाई !!
ओ ' ओ ' ओढ शब्दमोत्यांची लागता
ऑ' ऑ' ऑल इज वेल अशी साद येई मना !!
औ ' औ ' औत शेतात चालवी बळीराजा
अं ' अं ' अंजू अनुस्वार शीक आता
'अ: ' अ: म्हणजे अ पुढील टिंबांना विसर्ग म्हणतात !!
क ' क ' कपात सारे चहा,कॉफी घेती
ख ' ख ' खव्याचा पेढा प्रसादात देती !!
ग ' ग ' गवत दिसे हिरवेगार
घ ' घ ' घराच्या भिंती ' चार !!
च ' च ' चमच्याने आम्ही खातो पोहे
छ ' छ ' छत्री ही आम्हा उपयोगी पडे !!
ज ' ज ' जहाज पाण्यावर डुले
झ ' झ ' झबल्यात बाळ छान खुले !!
ट ' ट ' टरबुजात लाल रंग दडे
ठ ' ठ ' अक्षर ठसा मनावर ठसे !!
ड ' ड ' डमरू डमडम वाजे
ढ ' ढ ' ढगातून पाऊस टपटप पडे !!
ण ' ण ' बाण क्षमताधिष्टीत नेम धरी
त ' त ' तारा शाळेला जाई !!
थ ' थ ' थवा उडे पक्षांचा आकाशी
द ' द ' दरवाजातून प्रवेश हा होई !!
ध ' ध ' धरणात खूप पाणी साठे
न ' न ' नळाद्वारे भरती पाणी सारे !!
प ' प ' पप्पा आणतात पपई
फ ' फ ' फणस रसाळ गरे देई !!
ब ' ब ' बदक करी क्व्यकक्व्यक
भ ' भ ' भटजी मंत्र म्हणती पाठ !!
म ' म ' मनात होवून आनंदी
य ' य ' यमू अक्षरगीत गाई !!
र ' र ' रथाला हरणांची जोडी
ल ' ल ' लवंग उड्या मसाल्यात मारी !!
व ' व ' वरदहस्त लाभण्या यशाचा
श ' श ' शब्दमोतिंचे मोल जाणा !!
ष ' ष ' षटकोनाला असती सहाकोन
स ' स ' समईला सात घरे छान !!
ह ' ह ' हरिण चपळगती पळे
ळ ' ळ ' बाळ पांगुळगाडी खेळे !!
क्ष ' क्ष ' क्षमता हसत खेळत प्राप्त करून
ज्ञ ' ज्ञ ' ज्ञान ज्ञानू घेई आनंदानं !!
ऋ ' ऋ ' ऋतू वसंत राज
ङ ' ङ ' ङ ला वेगळ्या उच्चाराचा साज !!
स्वरांची असे पहा व्यंजनांना साथ
जपू ठेवा आपणही हा ' शब्दमोतिंचा ' खास !!