शब्द

शब्द तलवार 

शब्द कधी ढाल 

कधी मौनाला त्या 

छेडतात शब्द 

कधी अबोल ते

निशब्द शब्द 

बोलू म्हणताना येतच नाहीत शब्द 

नको तेव्हा भेदतात शब्द 

जिव्हारी लागतात 

रूततात खोलवर

नुसती मग जखमांची तगमग 

विसरू म्हणते तर

आठवणी किती ?

छळतात नुसते नको ते शब्द 

नावडत्या माणसांचे डसतात शब्द 

किती ते किती मेंदूत शब्द ?

पुसते मग मी नावडते शब्द 

झटकून टाकते नकारात्मक शब्द 

सकारात्मक शब्द भरून मनात 

आळवते हसरेच ते शब्द