शौर्य --- साहस

शिवरायांचे शौर्य -- साहस ताकदीचे

अभिमानास्पद आहे साऱ्या जगाला

गनिमी काव्याने शत्रूशी लढण्याचे त्यांचे सामर्थ्य

आजही गौरवास्पद वाटते मनामनाला १

मनाचा खंबीरपणा,आत्मविश्वास माणसाला

वेगवेगळी शौर्य-- साहस करायला शिकवते

कोणत्याही गोष्टीचा विचाराने केलेला दृढनिश्चय

संस्कारांच्या शिदोरीतून माणसाचे जीवन घडवते २

सुश्मीता सेन,कल्पना चावला या वीरांगना

संकटांवर मात करून शौर्य-साहस दाखवणाऱ्या नारी

सुवर्णाक्षरांनी त्यांचे नाव कोरून

साऱ्या जगाला दाखवली कामगिरी भारी ३

सावित्रीबाईंच्या लेखणीचे साहस मात्र

सर्व स्त्रियांच्या उद्धाराचे ठरले

स्वातंत्र्य संग्रामातील शूरवीरांचे शौर्य

देशाच्या इतिहासात सुवर्णाक्षरांनी कोरले ४

सावरकरांची तळपणारी साहसी लेखणी

अंदमानात शौर्यगाथांनी भरली

त्यांची क्रांतिकारी विचारांची गाणी

देशाच्या इतिहासात शिरपेच ठरली ५

अशा क्रांतिकारकांच्या शौर्य -- साहसानेच

देशाने स्वातंत्र्याची चैतन्यदायी पहाट पाहिली

सध्या नवीन तंत्रज्ञानाच्या विलक्षण प्रगतीनेच

शिक्षणाची पाऊलवाट साहसाने तेजाकडे चालली ६