शाई कागदाचा आत्मा

आत्मा शाईचा

आत्मा कागदाचा

तरीही शरीर मात्र शब्दांचंच....

रंग शाईचा

रंग कागदाचा

पण उधळण मात्र शब्दांचीच...

ती शाई

तो कागद

पण त्यांचं

अस्तिव भरून उरत शब्दातच....

ती काळी

तो पांढरा

जातीपातीच्या सीमाना

ओलांडायला मदत शब्दांचीच...

अशा या शाई नी कागदाचा आत्मा

म्हणजे नुसते शब्द नाहीत

शरीर सोडून गेले जरी एका शाई पेनातुन

तरी दुसऱ्या कागदावर उतरवले जातात

वेगळ्या शाईने

लिहिणाऱ्याचा आत्मा बनून....