साथ तुझी हवी असते

उनाड एखादी वाट

चुटकीत सर करायला

तिच्यावरून ध्येयाप्रत पोहचायला

फक्त तुझी साथ हवी असते

सुंदर असे स्वप्न डोळ्यात भरून

ते सत्यात उतरवायला

सत्यात उतरवून पूर्णत्वास न्यायला

फक्त तुझी साथ हवी असते

कठीण प्रसंगात न घाबरता

खंबीरपणे उभे राहायला

हार न मानता शेवटपर्यंत लढायला

फक्त तुझी साथ हवी असते

मन नाराज होऊन

परिस्थिती समोर हात टेकताना

पुन्हा सारं काही सावरताना

फक्त तुझी साथ हवी असते...