* सांभाळून घेशील ना *

संसाराची दोन चाकं,

साथसंगत नेशील ना,

जरी झालीच मागेपुढे,

सांभाळून घेशील ना...

आयुष्य शिखरावरती,

पोहचण्या देशील ना,

उंच नभी भरारीसाठी,

सांभाळून घेशील ना...

आपुलकीची माणसं,

प्रेमभरे जपशील ना,

मायेच्या पंखाखाली,

सांभाळून घेशील ना...

मुलांच्या प्रगतीसाठी,

ममतेने झटशील ना,

सुखी परीवारासाठी,

सांभाळून घेशील ना...

एकमेकांस सोबतीनं,

जीवनी राहशील ना,

आनंदाच्या संसारात,

सांभाळून घेशील ना...