साहित्याचे वारकरी

साहित्याचे वारकरी आम्ही, सरस्वतीचे नम्र उपासक।

पैशाची नच आम्हां लोलुपता, केवळ आम्ही ज्ञानोपासक॥

साहित्याची घेऊन दिंडी, मार्ग चालतो शारदा दरबारी।

एक मागणे सदैव आमचे , उंच उडो प्रतिभेची भरारी ॥

 काव्य, कथा वा कादंबरीचा प्रपंच मांडला सारस्वताचा।

वृत्तालंकार चढवून देवीला, प्रसाद चढवू सात्विकतेचा ॥

रसिकांना तोषवणारे साहित्य करावे निर्माण आपण।

भावभक्तीने वारक-यांच्या , सदैव करावे ते लोकार्पण॥