सागरासारखी एकी

जीवनाच्या रंगमंची 

आली कुठून लहर

सागराच्या लाटावानी

माजवते एक कहर

सुखी क्षणाची भरती

त्यात दुःखाची आहोटी

भाव तरंग लाटांनी

करी मुक्त ती सचोटी

मनी आतूर आसक्ती

अभिनय साकारला

स्वकियाच्या घोळक्यात

पात्र रंग आकारला....!

सागरा सारखी एकी

आयुष्यात ना पाहिली

होडी आणि किनाऱ्याची

दोस्ती अंतरी राहिली...!

वाऱ्यानेही दिली दिशा 

समतोल साधण्याची

पत्यावानी माणसाची

कला थोर जगण्याची....!

संथ वाहणार पाणी

शिकवीते थांबू नये 

रंगमंच जीवनाचा

हवा सोबतीस सये....!