ऋतुराज वसंत

ग्रीष्माच्या आधीचा शिशिराच्या नंतरचा

फाल्गुनातल्या होळीचा नववर्षाच्या गुढीचा

हा असाच यावा संदेश ऋतुराज वसंताचा

पानझडीच्या वर्षावाचा मनोरथ पल्लवाचा

परिजातकाच्या फुलांचा मोगऱ्याच्या सुगंधाचा

हा असाच राहावा सोहळा ऋतुराज वसंताचा

रंगपंचमीच्या उत्साहाचा चैत्रातल्या स्वप्नील आनंदाचा

वाफळलेल्या सुखद वाऱ्याचा चांदणीच्या शृंगाराचा

हा असाच असावा उत्सव ऋतुराज वसंताचा

प्रियकराच्या ओढीचा कोकीळेच्या गाण्याचा

पहाटेच्या थंडीचा दुपारच्या रखरखत्या उन्हाचा

हा असाच हसावा गंध ऋतुराज वसंताचा

पळसाच्या बहराचा गुलमोहराच्या फुलमोहराचा

बकुळीच्या गंधित फुलाचा कलिंगडाच्या रसाचा

हा असाच स्मरावा ऋतुराज वसंताचा

श्रीरामाच्या जन्माचा छत्रपतीच्या आगमनाचा

आम्रवृक्षाच्या कैरीचा अध्ययनातल्या परीक्षेचा

ग्रीष्माच्या उष्ण चाहुलीचा ऋतुराज वसंत मी कौतुकाचा !!!!!