ऋतु पावसाचा

पाऊस

एक आस

मनाला प्रसन्न करणारी

मंत्रमुग्ध करणारा ऋतू खास

पाऊस

खेळी लपंडाव

ऊनसावलीचा मेळ अनोखा

गारवा पसरण्यास मिळे वाव

पाऊस

मोरपिसारा छान

फुलतो नाचत नाचत

दृश्य करी मन प्रसन्न

पाऊस

पडता दिवसरात्र

निसर्गाचे सौंदर्य खुलते

हिरवे गालीचे पसरे सर्वत्र

पाऊस

रस्ता करी

जलमय अन् निसरडा

जलचर हळूच येई पाण्यावरी

पाऊस

नद्या तळे

तुडूंब भरून जाती

भयावह महापूर लोकांसी छळे