रोजच्या धावपळीत

रोजच्या धावपळीत 

जगायचंच राहिलं 

मग लक्षात आलं

खूपच काही मागे राहिलं

आज हे करेन उद्या ते

असाच मन विचार करतं 

पण मीच नसेन एक दिवस 

हेच मला उशिरा कळलं 

का मी नाही जगले यथेच्छ? 

इतकी वाया घालवली वर्ष 

पण ठीक आहे काही नाही 

आता कळले हे ही काही थोडे नाही 

जे व्हायचे ते तर होईल

जे झाले त्याचे तर गणितचं नाही 

जे नाही हातात त्याचा विचार करणे नाही 

आणि मिळेल तेवढा आनंद लुटणे थांबणं नाही