ऋण
ऋण
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
दिलास जन्म तू आई
पोसलेस पोटी तुझ्या
दिलीस माया
झालीस छाया
वाढविले केले मज
कणखर बलवान !
बाबा दिला तुम्ही सहारा
ऊन पाऊस वादळवारा
काही न तुम्ही पाहिले
वाढविला जिव्हाळा
दिलीत दिशा दिले शिक्षण
व्यवहारी कुशल मज
तुम्हीच केले !
गुरुजी प्रसंगी तुम्ही
धरिले कान माझे
धारेवर धरुनि ज्ञान दिले
आणि केलेत उभे मज
माझ्या पायांवर !
भामिनी स्वामिनी
बायको माझी तू
सदा सुहासिनी
झालीस वेळोवेळी
प्रिया सखी सचिव
माता भगिनी !
सांभाळीले आधार दिले !
सहोदर सहाध्यायी
झालात स्नेही तुम्ही
घेतलीत काळजी
खेळता खेळता
शिकविले समजावले
आनंद जीवनाचे !
आहे मी ऋणी
तुम्हा सर्वांचा
तुम्हीच मला घडवले !
रुजवले वाढविले
समर्थ केले !