ऋण

ऋण फेडूया भारतमातेचे

नतमस्तक होऊ तिच्या चरणी

तन मन धन अर्पण करू

देह जाण्याआधी सरणी

महापुरुषांनी जन्म घेतला

क्रांतीवीरांनी केली क्रांती

बलिदान दिले मातेसाठी

घेतली होती मशाल हाती

शूरवीरांची हीच धरती

इथे कुणाला नाही भीती

विज्ञानाने भारत देशात

केली इथेच सतत प्रगती

याच भूमित शेतकरी माझा

पिकवितो धान्य माणिक-मोती

रक्षण करण्या माय भूमिची

गोळी झेलितो सैनिक छाती

वनराई कशी आहे बहरुन

आनंद देई सर्व जनतेला

या भारतमातेच्या कुशीत

पामराला या जन्म मिळाला

इथे आहे सुख शांती

धन्य आहेत भारतीय स्वत:

सतत प्रेमाचा वर्षाव करते

अशी लाडकी भारतमाता