रंग

इंद्रधनूचे रंग आले मम अंगणी

अंगणातील मुलांना खाली भेटायला

इंद्रधनूच्या या सप्त रंगावरती

मुले लागली झुलायला, डुलायला...

रंग तांबडा फुलांच्या राजा गुलाबाचा

रंग नारंगी गोड आंबट गोड संत्र्याचा

पिवळी धमक हळद फार गुणकारी

हिरवा रंग मनमोहक अजब सृष्टीचा.....

निळ्या आभाळी चमचमते चांदणी

पारवा रंगाचा पारवा येतो मम अंगणी

जांभळा रंग वांग अन् जांभळाचा

हसायला लागले सारे रंग नील नभांगणी.....