रक्षाबंधन

अरे भाऊराया तूला कसली असते रे घाई

आज जरा निवांत बस बाकी मला काही माहित नाही

रोज रोज कुठे अरे मी तूझ्या घरी येते 

रक्षाबंधनाच्या ओढीने तेवढी धावत पळत येते

महिनोनमहीने या सणाची वाट पाहत असते

येता जाता रोजच सारखेदिवस मोजत बसते

सण आहे हा बहीण भावाच्या नात्याचा

त्यांच्यातल्या हळव्या प्रेमाचा अन मायेचा

नको असतं अरे मला काही घेणं देण

हवं असतं जातांना फक्त माहेरपणाचं लेन

तेवढंच कोडकौतुक सासरी मिरवता येत

आठवण म्हणून तेच आयुष्यभर जपल जात

पण नको मला इतर काही हवीय फक्त माया

सावली म्हणून हवीय फक्त तुझ्या प्रेमाची छाया