रेशीमधारा
रेशीमधारा
ऋतू पावसाळा आला
सोबत घेऊन उनाड वारा
तप्त झालेल्या धरतीला देण्यास रेशीमधारा
पाऊस पडता बघा
कसे बदलले रूप
आसुरलेल्या धरतीचे
जसे पालटते रूप
बाल लिलांनी मातेचे
रिमझिम पावसात दव
भरलेल्या पानांचा तो साज निराळा
सर्वत्र आनंदाला उधाण आले,
झाला चिंब आसमंत सारा
बळीराजासह सर्वांना सुखावती
बरसणाऱ्या या मृगधारा
मध्येच लहरे पाऊस वारा रानोमाळी
मृदगंध पसरला बहरून आला निसर्ग सारा
पानोपानी हिरवळ सजली
लाजून हसल्या नाजूक वेली
कुठे गुलाबी, कुठे बदामी
फुलांफुलांतून खुले इशारा
लावण्या देखुनी धरतीचे मनातून
उमले स्वप्न सुखाचे, समृद्धीचे
चैतन्याने सृष्टी न्हाली
ऋतूराजाचा उत्सव हा न्यारा